Lō͘-ka hok-im 22:54-62@Choân Tâi-gí Chhú-kéng Cha-keng-pan

Choân Tâi-gíChhú-kéng Cha-keng-pan(全台語處境查經班)

The CBS’ Sandwich：See – Judge – Act

Hia̍p-tiau-chiá：黃春生/N̂g Chhun-Seng、林世鴻/Lîm Sè-Hông

Sèng-si：

Keng-bûn：Lō͘-ka hok-im 22:54-62《Choân-bîn Tâi-gí Sèng-keng》

Piat-tò͘ M̄-jīn I-é-su(Mt 26: 57-58, 69-75; Mk 14: 53-54, 66-72; Ih 18: 12-18, 25-27)

54 In chiū lia̍h I-é-su, kā I ah-khì tōa-chè-si ê kong-koán. Piat-tò͘ lī hn̄g-hn̄g teh tòe I-é-su. 

55 Ū lâng tī tiâⁿ ni̍h teh khí hóe, chò-hóe ûi teh chē, Piat-tò͘ mā chē tī in tiong-kan. 

56 Ū chi̍t-ê lú-pī khòaⁿ-tio̍h Piat-tò͘ chē tī hia teh hang-hóe, chiū ba̍k-chiu kim-kim kā i siòng, kóng, " Chit-ê lâng mā sī kah I-é-su teh chò-tīn ê. "

57 Piat-tò͘ m̄ sêng-jīn, kóng, " Hū-jîn lâng, góa m̄-bat I. "

58 Koh kòe bô gōa kú, lēng-gōa chi̍t-ê lâng khòaⁿ-tio̍h Piat-tò͘ chiū kóng, " Lí mā sī kah in tàu-tīn ê lâng. " Piat-tò͘ ìn kóng, " Pêng-iú, góa m̄-sī. "

59 Chha-put-to kòe chi̍t-tiám-cheng, koh ū chi̍t-ê lâng kian-chhî kóng, " Chit-ê lâng chin-chiàⁿ kah I-é-su chò-tīn, in-ūi i mā sī Ga-lí-la-iah lâng. "

60 M̄-koh, Piat-tò͘ kóng, " Pêng-iú, lí teh kóng siáⁿ-mi̍h, góa m̄-chai. " Iáu teh kóng ê sî, ke sûi-sî thî. 

61 Hit sî, Chú oa̍t thâu chù-sîn khòaⁿ Piat-tò͘, Piat-tò͘ chiū siūⁿ-khí Chú tùi i kóng ê ōe, " Kin-á-ji̍t ke thî í-chêng, lí ē saⁿ pái m̄ jīn góa. "

62 Piat-tò͘ chiū chhut-khì gōa-bīn, tōa-siaⁿ thî-khàu. 

Būn-tôe thó-lūn：

一、Tùi chi̍t-toān keng-bûn, lí ū khòaⁿ tio̍h sím-mih？(jîn-bu̍t, chú-tê…)

二、I-é-su ūi-hôsī tī àm-sî siū lia̍h？koh sī ah-khì tōa-chè-si ê kong-koán？

三、Tùi chi̍t-toān keng-bûn lâi khòaⁿ, lí jīn-ûi Piat-tò͘ sī sím-mih khoán ê lâng？Piat-tò͘ ê sim-lí chōng-thāi jû-hô？

四、Tī hiān-tāi Chhú-kéng lāi, lán sin-piⁿ ū sím-mih khoán ê lâng chhin-chhiūⁿ Piat-tò͘ ê chêng-hêng？

五、Kò-pe̍k sìn-gióng ē tú-tio̍h sèⁿ-miā ûi-hiám ê sî, lí ē jû-hô chòe？Piat-tò͘ ê kò͘-sū hō͘ lán sím-mih khé-sī？