Lō͘-ka hok-im 23:39-49@Choân Tâi-gí Chhú-kéng Cha-keng-pan

Choân Tâi-gí Chhú-kéng Cha-keng-pan(全台語處境查經班)

The CBS’ Sandwich：See – Judge – Act

Hia̍p-tiau-chiá：黃春生/N̂g Chhun-Seng、林世鴻/Lîm Sè-Hông

Sèng-si：

Keng-bûn：Lō͘-ka hok-im 23:39-49《Choân-bîn Tâi-gí Sèng-keng》

23:39 Chò-hóe tèng si̍p-jī-kè ê hoān-lâng tiong ê chi̍t-ê bú-jio̍k I-é-su, kóng, " Lí kám m̄-sī Ki-tok？Tio̍h kiù Lí ka-kī, mā tio̍h kiù goán. "

23:40 Lēng-gōa chi̍t-ê hoān-lâng kā hit-ê chek-pī, kóng, " Lí kah I kāng-khoán teh siū-hêng, lí kám m̄-kiaⁿ Siōng-tè？

23:41 Lán siū-hêng sī kong-tō, in-ūi lán ū hoān chōe eng-kai siū chhú-hoa̍t, m̄-koh, chit-ê lâng bô chò m̄-tio̍h ê tāi-chì. "

23:42 Hit-ê hoān-lâng kóng, " I-é-su ah, Lí chò ông lâi-lîm ê sî, chhiáⁿ ē kì-tit góa! "

23:43 I-é-su kā i kóng, " Góa si̍t-chāi kā lí kóng, kin-á-ji̍t lí ē kah góa chò-hóe tī lo̍k-hn̂g. "

I-é-su ê Sí-bông (Mt 27: 45-56; Mk 15: 33-41; Ih 19: 28-30)

23:44 Chha-put-to tiong-tàu ê sî, choân tē o͘-àm, kàu ē-po͘ saⁿ tiám ê sî, ji̍t-thâu sit kng. 

23:45 Sèng-tiān lāi ê tiùⁿ-lî tùi-tiong li̍h-.khui. 

23:46 I-é-su tōa-siaⁿ kiò, kóng, " Thiⁿ-pē ah, góa ê lêng-hûn kau-thok Lí. " kóng soah chiū tn̄g-khùi. 

23:47 Liân-tiúⁿ khòaⁿ-tio̍h só͘ hoat-seng ê tāi-chì, chiū o-ló Siōng-tè, kóng, " Chit-ê chin-chiàⁿ sī gī lâng! "

23:48 Chū-chi̍p tī hia teh khòaⁿ ê kûn-chiòng, khòaⁿ-tio̍h só͘ hoat-seng ê tāi-chì, lóng ná kiâⁿ ná tûi sim-koaⁿ, pi-siong tńg-.khì. 

23:49 Hiah-ê bat I-é-su ê lâng kah tùi Ga-lí-la-iah séng tòe I-é-su lâi ê hū-jîn lâng, lóng khiā hn̄g-hn̄g teh khòaⁿ chiah-ê tāi-chì. 

Būn-tôe thó-lūn：

一、Tùi chi̍t-toān keng-bûn, lí ū khòaⁿ tio̍h sím-mih？(jîn-bu̍t, chú-tê…)

二、Pí-kàu nn̄g-ūi kah I-é-su tâng tèng si̍p-jī-kè ê hoān-lâng, ū sím-mih hoat-hiān kah kám-siū？

三、I-é-su sí-bông ê kéng-siōng jû-hô？Hiān-tiûⁿ ê lâng ê hoán-èng thàu-lō͘ sím-mih sìn-sit？

四、Tī kim-ji̍t ê siā-hōe chhù-kèng hā, Lí jīn-ûiI-é-su ê “lo̍k-hn̂g” ē sī sím-mih bīn-māu？

五、I-é-su ê sí, tùi kim-ji̍t ê kàu-hōe kah siā-hōe ū sím-mih ì-gī kah hoán-séng？