Lō͘-ka hok-im 19:1-10@Choân Tâi-gí Chhú-kéng Cha-keng-pan

Choân Tâi-gí Chhú-kéng Cha-keng-pan(全台語處境查經班)

The CBS’ Sandwich：See – Judge – Act

Hia̍p-tiau-chiá：黃春生/N̂g Chhun-Seng、林世鴻/Lîm Sè-Hông

Sèng-si：

Keng-bûn：Lō͘-ka hok-im 19:1-10《Choân-bîn Tâi-gí Sèng-keng》

I-é-su kah Thiu-sòe ê Cha̍k-khai

19:1 I-é-su ji̍p-khì I-é-lī-kho siâⁿ, tī ke-lō͘ teh kiâⁿ ê sî, 

19:2 Tī hia ū chi̍t-ê lâng miâ kiò-chò Cha̍k-khai, sī thiu-sòe ê thâu-lâng, mā sī hó-gia̍h lâng. 

19:3 I ài beh khòaⁿ I-é-su sī siáⁿ lâng, m̄-koh, lâng chin chē, i ê sin-châi koh é, soah khòaⁿ bē-tio̍h. 

19:4 Só͘-í, i chiū cháu chò chêng, peh khí-lih chi̍t châng sng-châi chhiū, beh khòaⁿ I-é-su tùi hia keng-kòe. 

19:5 I-é-su kiâⁿ kàu hit só͘-chāi, gia̍h thâu khí-lâi khòaⁿ, kā i kóng, " Cha̍k-khai, kóaⁿ-kín lo̍h-.lâi, kin-á-ji̍t góa it-tēng tio̍h tòa lí ê chhù. "

19:6 Cha̍k-khai chiū kóaⁿ-kín lo̍h-.lâi, hoaⁿ-hoaⁿ hí-hí khì gêng-chiap I-é-su. 

19:7 Chèng lâng khòaⁿ-tio̍h chiū nga̍uh-nga̍uh-liām, kóng, " Chit-ê lâng soah ji̍p-khì chōe-jîn ê chhù tòa! "

19:8 Cha̍k-khai khiā-.leh, tùi Chú kóng, " Chú ah, góa beh kā góa só͘-ū châi-sán ê chi̍t-pòaⁿ, the̍h-lâi chín-chè sàn-chhiah lâng; góa nā bat pián siáⁿ lâng ê chîⁿ, góa beh sì pōe pôe i. "

19:9 I-é-su tùi i kóng, " Kin-á-ji̍t kiù-un lâi-kàu chit-ê ke, in-ūi i mā sī A-bu-la-hàm ê kiáⁿ-sun. 

19:10 In-ūi Jîn-chú sī beh lâi chhōe sit-bê ê lâng, lâi kā i kiù. "

Būn-tôe thó-lūn：

一、Tùi chi̍t-toān keng-bûn, lí ū khòaⁿ tio̍h sím-mih？(jîn-bu̍t, chú-tê…)

二、Uī-hô I-é-su chi̍t khòaⁿ chiū chai hit-ê lâng chiū-sī Cha̍k-khai？

三、I-é-su bêng-chai chèng lâng hoán-tùi thiu-sòe ê, khòaⁿ in sī chōe-jîn. Uī-hô I-é-su beh ji̍p-khì Cha̍k-khai ê chhù tòa？I-é-su ūi-hô cháiⁿ-nī kò͘-ì？

四、Cha̍k-khai ūi-hô kái-piàn chia-tōa？Lí nā tú-tio̍h I-é-su kám ē ū chit-khoán kái-piàn？

五、Kim-ji̍t sím-mih lâng chhin-chhiūⁿ Cha̍k-khai ê chhú-kéng？Lán koh jû-hô ha̍k-si̍p I-é-su só͘ chò ê hêng-tōng？