Lō͘-ka hok-im 12:13-21@Choân Tâi-gí Chhú-kéng Cha-keng-pan

Choân Tâi-gí Chhú-kéng Cha-keng-pan(全台語處境查經班)

The CBS’ Sandwich：See – Judge – Act

Hia̍p-tiau-chiá：黃春生/N̂g ChhunSeng、林世鴻/Lîm SèHông

Sèng-si：柯啓安/ Kua khé-an

Keng-bûn：Lō͘-ka hok-im 12:13-21《Choân-bîn Tâi-gí Sèng-keng》

Kéng-kò Tham-sim ê Châi-chú

13 Chèng lâng tiong-kan ū chi̍t-ê châi-chú kā I-é-su kóng, " Lāu-su, chhiáⁿ lí kiò góa ê hiaⁿ-tī kah góa pun ke-hóe. "

14 M̄-koh, I-é-su kā i kóng, " Lí chit-ê lâng, siáⁿ lâng siat-li̍p góa chò lín ê sím-phòaⁿ-koaⁿ á-.sī chò pun ke-hóe ê kong-chhin? "

15 I-é-su chiū tùi kûn-chiòng kóng, " Tio̍h kín-sīn, tio̍h iok-sok ka-kī, tio̍h thê-hông kok chióng ê tham-sim, in-ūi lâng ê oa̍h-miā kè-ta̍t m̄-sī chāi tī i só͘ chek-chū ê châi-sán. "

16 Jiân-āu I-é-su ēng phì-jū tùi in kóng, " Ū chi̍t-ê hó-gia̍h lâng, i ê chhân-hn̂g chin hong-siu. 

17 I siūⁿ-lâi siūⁿ-khì, kóng, ' Góa bô kàu só͘-chāi thang tún góa ê ngó͘-kok, taⁿ beh án-chóaⁿ? '

18 Koh kóng, ' Góa tio̍h án-ne chò, góa beh kā chhek-chhng thiah-tiāu, koh khí khah tōa keng, thang kā góa ê ngó͘-kok kah châi-bu̍t lóng tún tòa hia. 

19 Jiân-āu mā beh tùi góa ê lêng-hûn kóng, ' Lêng-hûn ah, lí ū chek-chū chin chē châi-bu̍t thang chò chin chē nî ê lō͘-ēng.Taⁿ chheng-êng ā,lâi lim-chia̍h, lâi hióng-siū! '

20 M̄-koh, Siōng-te3ka7 i kóng, ' Gōng lâng, kim-mê beh tùi lí thó lí ê sèⁿ-miā, lí só͘ chek-chū ê châi-sán beh lâu hō͘ siáⁿ lâng? '

21 Án-ne, ūi-tio̍h ka-kī chek-chū châi-pó, bô hō͘ Siōng-tè khòaⁿ-chò hó-gia̍h ê lâng mā sī kāng-khoán. "

Būn-tôe thó-lūn：

一、Tùi chi̍t-toān keng-bûn, lí ū khòaⁿ tio̍h sím-mih？(jîn-bu̍t, chú-tê, hō͘-tōng)

二、Kí-lē keng-bûn kàu-tō lán iú-koan châi-hùkah hù-chiok ê khò-tê. (chhan-chhiūⁿ châi-hù, hù-chiok, chin sìⁿ-miā ê koan-hē lû-hô？)

三、Chō-sêng lâng tham-lâm ê goân-in uī-hô？chhì-khòaⁿ-māi tùi sim-lí, siā-hōe, lêng-sèng, si̍p-koàn…ta̍k-chióng bô-kâng ê kak-tō͘ lâi su-khó.

四、Lû-hô tī Tâi-oân ê siā-hōe chhú-kéng tiong si̍t-chiān keng-bûn ê kàu-tō？

警告貪心ê財主

13 眾人中間有一个財主kā耶穌講：「老師，請你叫我ê兄弟kah我分家伙。」

14 M̄-koh，耶穌kā伊講：「你chit-ê人，啥人設立我做lín ê審判官á是做分家伙ê公親？」

15 耶穌就對群眾講：「Tio̍h謹慎，tio̍h約束家己，tio̍h提防各種ê貪心，因為人ê活命價值m̄是在tī伊所積聚ê財產。」

16 然後耶穌用譬喻對in講：「有一个好額人，伊ê田園真豐收。

17 伊想來想去，講：『我無夠所在thang囤我ê五穀，taⁿ beh án怎？』

18 Koh講：『我tio̍h án-ne做：我beh kā粟倉拆掉，koh起khah大間，thang kā我ê五穀kah財物lóng囤tòa hia。

19 然後mā beh對我ê靈魂講：『靈魂ah，你有積聚真chē財物thang做真chē年ê路用。Taⁿ清閒ā，來lim食，來享受！』

20 M̄-koh，上帝kā伊講：『戇人，今暝beh對你討你ê性命，你所積聚ê財產beh留hō͘啥人？』

21 Án-ne，為tio̍h家己積聚財寶，無hō͘上帝看做好額ê人mā是仝款。」