Lō͘-ka hok-im@Chè-lâm Kàu-Hōe

全台語處境查經班(Choân Tâi-gíChhù-kéng Cha-keng-pan)

協調者：林世鴻、鍾友全、黃春生

The CBS’ Sandwich：See – Judge – Act

聖詩：23《雀鳥的主，海翁的主》(God of the sparrow, God of the whale)

經文：路加福音6:1-11《全民台語聖經》，請對照全羅經文

1有一个安息日，耶穌(I-é-su)tùi麥園經過，祂ê門徒摘麥穗(tiah be̍h-sūi)，用手jôe來食。

2 有一kóa法利賽派ê人對in講：「Lín ná會tī安息日做律法規定無應該做ê tāi-chì？」

3 耶穌應講：「Lín kám無讀tio̍h大衛(Ta-bi̍t)kah跟tòe ê人腹肚iau ê時所做ê tāi-chì？

4 伊入去上帝ê殿，the̍h獻祭ê餅來食，koh hō͘伊跟tòe ê人食。Chit款餅kan-tāⁿ祭司chiah thang食。」

5 耶穌koh kā in講：「人子是安息日ê主。」

6 Koh有一个安息日，耶穌入去會堂教示人。Tī hia有一个正手瘸去(khôe-khì)ê人。

7 有一kóa經學教師kah法利賽派ê人teh當等，看耶穌有tī安息日kā人醫病á無，意思是beh chhōe孔縫thang告耶穌。

8 耶穌知in ê企圖，就kā hit-ê瘸手(khôe-chhiú)ê人講：「起來！khiā tòa中央。」Hit-ê人就起來khiā tī hia。

9 然後耶穌對in講：「我問lín，tī安息日做好事á是做pháiⁿ事，救性命á是害性命，tó一項khah合律法？」

10 耶穌kā群眾看一liàn了後，對hit-ê人講：「Kā你ê手伸出來！」伊一下伸手，手就好去。

11 Hiah-ê人非常受氣，就做伙參詳beh án怎來對付耶穌。

問題討論：(Būn-tôe thó-lūn)

一、Tùi這段經文，你ū看tio̍h siàⁿ-mih人物、時間kah pōe-kéng？

二、Hoa-lí-sái phài kah keng-ha̍k kàu-su，Ûi-siàⁿ chit-gî kah chham-siông beh tùi-hù I-é-su？I-é-su ê koan-liām, hēng-ûi kah in ê siūⁿ-hoat ū siàⁿ-mih bô-siâng？

三、I-é-su tu̍t-phòa kìm-khī, thiau-chiàn khoân-ui. Nā-sī I-é-su tī kim-ji̍t siā-hōe kah kàu-hōe ê chhù-kéngē, I ōe thiau-chiàn ā sī phap-phòa siàⁿ-mih？

四、Bīn-tùi kim-ji̍t siā-hōe kah kàu-hōe ê kìm-khī, khoân-ui. Lán ē thong tùi I-é-su o̍h tio̍k siàⁿ-mih？